ازيكو يا احلى بنات اون لاين فى الدنيا كلها
انا انهاردة جايبالكو وصفة انما اية ماحصلتش
الوصفة دى انا قريتها فى موقع كدة على النت
وبعدين لقيت ان الوصفة سهلة اوى قلت اما اجربها
مش هاخسر حاجة يمكن ربنا يهدى شعرى ويصلح حالة
وانا كان شعرى هايش قوى وما تعرفيش دة كدة يعنى ناعم ولا خشن
هوة بصراحة شكلة خشن بس كل لما حد بيلمسة كان بيستغرب قوى ان ملمسة ناعم
المهم مش هاطول عليكم الوصفة هى
نصف كيلو عنب اخضراو اسود
وكوب زعتر للغلية
تجيبى الزعتر وتغلية ولما يبرد شوية يعنى يبقى دافى
تصفى المية وتحطيها على العنب وتحطيهم فى الخلاط وتعصريهم
وبعدين تصفيهم كويس بس انا استعملت العنب الاخضر
وتدهنى شعرك كويس لحد ما يبقى مبلول وتسيبية كدة يعنى ساعتين
وبعدين بقى تشطفى شعرك بمية سادة بس من غير شامبو ولا حاجة
واتفرجى بقى على الجمال واللة هاتتخدىمخضوضة
واللة واللة انا لقيت شعرى بقى ناعم والهيشان راح يعنى شعرى نام
وبقى بيلمع جربى وان شاء اللة هاتدعيلىمبسوطة
وابقو قولولى رائيكم ماتبخلوش