اللى مبتعرفش تخرج من غير ميك اب حتعمل ايه فى رمضان؟ تعالى معايا نحاول سوا

السلام عليكم
ازيكم ياقمرات عاملين ايه
كل سنة وانتم طيبين ياقمرات
رمضان داخل علينا ودى فرصة كلنا بنستناها كل سنة عشان نغير من نفسنا ونحاول نبقى احسن وربنا يرضى عننا

طب انا عايزة اكلمكم فى موضوع مهم
البنات اللى بيحطوا ميك اب كل يوم ومنهم انا حيعملوا ايه فى رمضان؟؟


اكيد مينفعش نحط ميك اب لاننا عارفين انه حرام وربنا يهدينا ان شاء الله

بس ليه منخليش رمضان فرصة اننا نتعود نخرج من غير مكياج

حتقوليلى ازاى؟ ده شكلى بيبقى بشع؟ كانى زى العيانين
(الكلام ده انا بقوله كمان)

بس اكيد مينفعش نبوظ صيامنا ولا ناخد ذنب غيرنا لما حد يبصلنا ويقول الله البت دى امورة
وككمان نحاول نتعود منخرجش بميك اب

طب حنعمل ايه


تعالوا ورايا نعرف

بس الاول اجرى قيمى لاحسن ازعل
يلا بينا

1/ الاول لازم نهتم ببشرتنا عشان تبقى فى احلى حال كل 3 او 4 ايام اعملى ماسك مناسب لوشك وتكونى مرتاحة فيه ومن ماسكاتى المجربة للتفتيح
(1 معلقة دقيق و1 ملعقة لبن بودر و نخليهم عجينة بمية ورد ونحطهم على وشنا 20 دقيقة)
(ماسك الطمى المغربى بتاع حراز حلو اوى)

2/ الصبح اول ماتصحى تغسلى وشك بالغسول بتاعك وانا بنصح بكلين اند كلير الفوم مناسب لجميع انواع البشرة او جارنييه مناسب للدهنية والمختلط








3/ امسحى وشك بمية ورد وخلى معاكى فالشنطة بتاعتك وانتى برة التونربتاعك او مية ورد مع قطن ليه بقى عشان وانتى برة وحرانة اغسلى وشك وامسحى وشك بالتونر فيقفل المسام بتاعتك وميخرجش دهون




4/ بعدالتونر الصبح حطى حاجة من اتنين كريمك المرطب او كريم التفتيح بتاعك او تعملى زى وتحطى الاتنين على بعض هههههههه مش تستغربوا اولا الاتنين لازم يكونوا نفس الماركة وانا حطيت حبة من كريم تفتيح جارنييه وحبة من كريم مرطب جارنييه وبقى حلو اوى ليه بقى
خلى الكريم ميبقاش زى المرطب بس بيدهنن ولا بشرتى تنشف من كريم التفتيح وابقى حصلت على الاتنين تفتيح وترطيب

5/ بعدين الصن بلوك لازم لازم لازم عندك نوعين من افضل الانواع بيوديرما و يوفى بلوك
ولو انتى حابة تفتحى نفسك فى صن بلوك دلوقتى فيه فاونديشن خفيف وده حلو بيفتح حاجةبسيطة



6/ احنا كده المفروض مجهزين بشرتنا ومن غير مايبان علينا حاجة المفروض تخرجى كده معاكى فشنطتك الصن بلوك والتونر بتاعك وكل ساعتين تغسلى وشك وتحطى منهم تانى وكمان يبقى معاكى مناديل الميك اب عشان دى بتنظف الوش كويس وبتشيل الدهون





والمفروض ده شكلك وانتى خارجة بشرة صحية نقية ناعمة


والمفروض ده شكلك وانتى خارجة بشرة صحية نقية ناعمة





طب احنا اتكلمنا فى فقرة الصبح اللى هى الخروج اثناء الصيام طب وبليل حنعمل ايه

ارجوكى ارجوكى بلاش تحطى ميك اب كامل بليل لانك برضه فى حرام ورمضان مش فالصبح بس لا وبليل كمان خلينا نحافظ على هدفنا اننا نتعود نخرج من غيرميك اب ظاهر خلينا فى ستايل النو ميك اب افضل
وده حنطبقه كما يلى

1/ حنعمل نفس الخطوات السابقة بس من غير الصن بلوك طبعا

2/ قدامك اختيار من اتنين اما تحطى فاونديشن يكون مش بيفتح اوى يعنى لو الفاونديشن بتاعك بيفتح اوى يبقى بلاش منه والاخيار التانى الباودر وبرضه لو تقيلة بلاش منها وبلاش باودر مائية لان دى بالذات بتكون ظاهرة اوى وحتبوظ البروجرام اللى اتفقنا عليه فى الاول خالص بتاع العناية ببشرتنا

وممكن تجيبى كريم باودر وده بيكون فاونديشن وبودر الاتنين سوا وحيوفر عليكى ان تحتاسى وانا بشرح فلور مار لانى جربته بناءا على نصيحة الامورة بيل وفعلا حلو بس بخرج بيه بليل بس



3/ حطى كونسيلر نفس لون بشرتك بلاش يكون فاتح عشان ميبقاش النور تحت عينك بس


4/ حطى اى شادو ابيض او بيج حوالين عينك وتحت الحاجب ويكون مات مش فيه جليتر




5/ ياريت لو تكتفى بكده بخصوص الشادو او لو حابة حطى لون هادى خالص فاتح جدا ويكون لون واحد
وبعدين ارسمى خط كحل رفيع او من فوق ومتحطيش جوه العين ليه بقى
من فوق بيبن الرموش وبين رسمة العين ويكون رفيع لكنلو من جوة العين كده الميك اب واضح جدا


6/ ياريت لو بلاش ماسكارا بس ممكن تحطى حاجة بسيطة خالص يعنى تمشى بالفرشاة مرة واحدة على رموشك بحيث تبقى زى الصورة بسيطة وناعمة وزى ماقلت قبل كده يفضل متحطيش شادو الوان




7/ ياريت كمان نستغنى عن اللينسيز خالص العيون السودا من احلى العيون وصدقينى ربنا حيبقى مبسوط اكتر لما تبقى فخورة بالخلقة اللى ادهالك

8/ ابتعدى عن عمل الحواجب او التشقير انا من رأيى ان التشقير ميختلفش عن عمل الحواجب لان الموضوع مش فى شيل الشعر الموضوع فى تغيير الشكل واحنا بنحاول نرضى ربنا وانا كمان ان شاء الله مش حعملها يمكن ربنا يهدينى ومش اعملها تانى

9/ البلاشر شوفى ارق لون بلاشر عند وحطى منه برضه بفرشاة كبيرة وحطى لمسات كده بلاش تقولى ده لون خفيف اتقل شوية لا خليكى رقيقة



10/الروج انسى خالص الليب ستيك لان غالبا الوانه فاتحة الا لو عندك لون نود وبتحطى منه اوك لكن غير كده لا حطى زبدة كاكاو او بلسم شفايف او جلوس يكون لونه فاتح وتحطى نقطة بس ووزعيها او تعملى شفايفك كلها بقلم تحديد الشفايف




11/ واخيرا ده حيكون شكلك لو التزمتى فعلا بالخطوات دى وكمان لو اخترتى اقل البدائل

http://files2.fatakat.com/2011/6/13089530381177.gif

(الموقع)(فتافيت مول) (من ملف) (ميك اب وتسريحات ) (كاتب الموضوع)(مونى الدلوعه)

تسلمي يا قمر

تسلمى ياعسل



كل سنه وانتم طيبين

اهليييين ومرحباااااااا
كيييفك مونى الدلوعه

ان شااااء الله بخييرر
شكراااااااااااااااا كثييييييييييييييييييييير
على الموضوووووووووووع الرااااااااااائع