الكشري زي بره بالظبط يس جامد جدا

ازيكم ياعاملين ايه انا عملت كشري امبارح طعمو كان حلو اوي قلت لازم اقولكم عليه من غير رغي كتير ندخل في الموضوع علطول
أولا: نسلق المكرونه نحط مكرونه عاديه ومكرونه اسباجتي ونكسرها صغير
ثانيا:نسلق العدس كل كبايه عدس اصادها 2كوب رز بس خلي الميه بتاعتو عشان هنستخدمها تاني
ثالثا:نجيب 5فصوص ثوم مفرومين ونحمرهم في معلقتين زيت ونحط عليهم عصير الطماطم بالكميه اللي انتي عايزاها وشويه خل ونسيبها علي النار لحد ما تتقل ونطفي النار
رابعا:نجيب بصل مقطع جوليانو او نص حلقه كده ونحط زيت كتييييييييييير شخن ونحمر البصل في الزيت وبعدين نصفي البصل من الزيت وناخد شويه من الزيت اللي فاضل من البصل ونحطه علي المكرونه المسلوقه ونقلبه كويس وباقي الزيت نحطه في الحله اللي هعمل فيها الرز ونحط شويه شعريه في الاول وبعدين الرز ونقلبهم كويس وبعدين نحط العدس المسلوق ونقلب وبعدين نسقيهم بميه العدس وطبعا معاهم ملح وفلفل اسود بسيط وبالهنا والشفا عايزه اشوف التقيم لو عجبكم الكشري
ملحوظه:لو عايزه دقه تجيبي 4 فصوص ثوم كبار وقرن فلفل شطه وخل (ربع فنجان خل عليه تلت اربع فنجان ميه) ونحطهم في الخلاط وعليه ملح وكمون ونسيبه يغلي عالنار غلوتين بس الثوم ده جامد بجد

تسلم ايدك

» مكياج جامد